E lënë në mes

Nga Fatmir Terziu

E LËNË NË MES
Bisedë me Timo Mërkurin

Pritet të zihet Hëna
nga palmat që u thanë me dy derte:
që nuk i panë lodrat,
dhe që nuk shohin më dete...

Shkarpë majë mendimit
kështu paralajmëruan Yjet.

“Shenjtëria e Isos” ende bën alarmin
mbiu “Anatomia e Lotit”
motiv pa qiell,
as bimë, as qumësht, as zogj
hije pa diell,
yje me neon.
Koha që flet për brezat
shtrihet si vello e grisur mbi Jon.
Hëna e trembur pyet:
‘Kush do ti rikthejë yjet’?